Aardklop wéér genomineer vir kykNET Fiëstas: Fees van die Jaar

Aardklop 2018 het pas ’n benoeming ontvang vir ’n kykNET Fiëstas: Fees van die Jaar-toekenning.

Dié fees, wat in Ferbruarie 2018 bekroon is met ’n kykNET Fiëstas-toekenning as Suid-Afrika se Gewildste Kunstefees, hoop om in 2019 weer met die gesogte titel weg te stap.

Volgens Alexa Strachan, Aardklop se Hoof Uitvoerende Beampte is die benoeming “bevestiging van die kwaliteit en balans van Aardklop se program, die feesgangers se ervaring, en die gasvryheid van Potchefstromers.

Dit bly ons doel om ‘n fees vir almal te wees – van die diep denkers tot die stalletjiebesoekers en die partytjiediere. Dankie aan almal wat hierdie jaar bygedra het tot ‘n fantastiese Aardklop.

Nou moet die duisende mense wat saam met ons kom feesvier het, net vir ons stem! Soos die politici altyd sê: Elke stem tel.”

Stemme open vandag, 3 Desember en sluit 13 Januarie 2019 om middernag. Daar kan vir Aardklop gestem word op kykNET se STEM VIR AARDKLOP!KLIK HIER om te stem.

Aardklop sal van 24-29 September 2019 in Potchefstroom aangebied word.