Veelhoek

Jana Cilliers tree in gesprek met Barnard Gilliland, haar neef wat 60 jaar gelede op 24 gesterf het. Ná sy dood verskyn sy debuutbundel, Veelhoek, waarin die vers “Skipbreukelinge” met sy refrein “en waar ek my voet wil sit, is water” die vertrekpunt word van hul gesprek binne die konteks van teater. Gilliland se rou en eerlike uitroep in die soeke na die sin van die lewe, sluit aan by Cilliers se hunkering na iets soortgelyks. As ouerwordende aktrise besin sy oor haar eie sterflikheid en veelhoekige bestaan hier op aarde, en ook oor ’n versoening verby tyd wat moontlik opgesluit lê in die mens se bereidwilligheid om op te hou lewe. Binne neef en niggie se bloedlyn word ewewig as tuiskoms bewerkstellig.

Met: Jana Cilliers en Ludwig Binge
Teks: Jana Cilliers
Regie: Marthinus Basson
Musiekregie: David Wolfswinkel
Stelontwerp: Marthinus Basson
Verhoogbestuurder: Nicolaas de Jongh, Jean du Plessis (assistentverhoogbestuurder)
Vervaardiger: Ko-produksie tussen die KKNK, Vrystaat Kunstefees Momentum Beleggings Aardklop en Suidoosterfees
Moontlik gemaak deur: NATi