Mathys mengel by Roots

Met Die Spoorlyn Craft Spirits kan ons kole gooi, ons kan stoom opbou en ons mag skommel of roer. So nou en dan kan ons bietjie stoom afblaas. Kom reis so entjie saam, maar moenie ontspoor nie. En onthou. . . om op ’n stasie te wees, is nie dieselfde as op die stasie nie!

Terwyl die gehoor die resepte bestudeer van ’n paar uitgesoekte mengeldrankies, sing Mathys Roets oor treine en stasies en natuurlik oor effe sterker teetjies. En tussendeur vertel hy wat mense self kan skommel en proe! En daar is heelwat om van te kies – van ’n Kamikazi, ’n Knorrige Skot en ’n Delilah tot Oppiestasie en die gevaarlike Lang Hans se Eiland-teetjie.

Elke dag van 16:00 tot 16:30 kan jy kom stoom afblaas of hervul of net die reis geniet.