Momentum Aardklop is opgewonde om ’n nuwe projek bekend te stel! Die bekroonde en gewilde Charl du Plessis stel feesgangers op ’n insiggewende, sjarmante en soms humoristiese manier bekend aan twee uiteenlopende ensembles, wat elk ’n verkorte weergawe van 20 tot 30 minute aanbied uit hul volledige konserte wat deel van die feesprogram is.
Met: Charl du Plessis (aanbieder)
Kunstenaars: The Scullery Quintet en Ethereal Voices: Voice, Keys and Wind
NG kerk Vyfhoek
Klassiek en Crossover-klassiek
Gesin
90 min.
8 Okt. 14:00
R200, R180 (Hartsvriende)
The Scullery Quintet
’n Opwindende, vars en prettige uitvoering van crossover- klassieke musiek. Hierdie bekroonde ensemble speel splinternuwe, oorspronklike verwerkings van klassieke, jazz- en popmusiek, met hope improvisasie en unieke kontemporêre musikale temas. Hul besondere aanslag maak die konsert toeganklik vir alle ouderdomsgroepe.
Met: Hana Yim-Wahl (viool), Waldo Luc Alexander (viool), Tiisetso Mashishi (altviool), Viwe Mkizwana (kontrabas) en Peter Auret (tromme en perkussie)
Ethereal Voices
Ethereal Voices bied die wonderskone kombinasie van sopraan, fluit en klavier, en die gehoor word op ’n musikale reis geneem met ’n asemrowende en geliefde repertoire.
Die program sluit in die hemelse “Pie Jesu”, die serene “Ave Maria” deur Caccini, die delikate “Flower Duet” en die betowerende “Barcarolle”. Die konsert bereik ’n hoogtepunt met die dramatiese en aangrypende “Mad Scene” uit Lucia di Lammermoor.
Maak gereed om meegevoer te word deur ’n vokale kragtoer, die sagte fluisteringe van die fluit en die meesterlike begeleiding van die klavier.
Met: Ilze van Staden (sopraan), Malané Hofmeyr-Burger (fluit) en Sonja van Zyl (klavier)
