Trio Joie de Vivre: Seisoene

Maak jou gereed vir ’n musiekreis wat jou siel sal roer en jou sintuie sal betower met Trio Joie de Vivre se aanbieding van Seisoene, ’n verkenning van die seisoene en lewensfases deur kamermusiek. Seisoene is meer as net ’n konsert – in hierdie produksie word musiek, poësie en kuns in harmonie verenig. Catrien Wentink (klavier), André Oosthuizen (fluit) en Liesl van der Merwe (fagot) neem jou op ’n diepgaande en emosionele reis, waarin elke lewensseisoen voorgestel word deur ’n unieke musiekkomposisie. Die program sluit in Astor Piazzolla se Vier seisoene van Buenos Aires, ’n uittreksel uit Tsjaikowski se tydlose en baie romantiese Seisoene, asook Four Short Pieces van Frank Bridge. Trio Joie de Vivre is ’n gesogte ensemble wat verbonde is aan die Noordwes-Universiteit se Skool vir Musiek.  

Met: André Oosthuizen (fluit), Liesl van der Merwe (fagot) en Catrien Wentink (klavier)